Europe - Otta Nottathil - mobile_phone_cancer_chance

Advertisements

മൊബൈല്‍ ഫോണ്‍ ഉപയോഗം ക്യാന്‍സര്‍ സാധ്യത വര്‍ധിപ്പിക്കില്ലെന്ന് ഡബ്ള്യുഎച്ച്ഒ

Photo #1 - Europe - Otta Nottathil - mobile_phone_cancer_chance_who

മൊബൈല്‍ ഫോണ്‍ ഉപയോഗം ക്യാന്‍സര്‍ സാധ്യത വര്‍ധിപ്പിക്കില്ലെന്ന് ലോകാരോഗ്യ സംഘടന. മൊബൈല്‍ ഫോണുകളുടെ ഉപയോഗം അനിയന്ത്രിതമാം വിധം വര്‍ധിക്കുമ്പോഴും ബ്രെയിന്‍, ഹെഡ് ആന്‍ഡ് നെക്ക് ക്യാന്‍സര്‍ ബാധിതരുടെ നിരക്ക് വര്‍ധിച്ചിട്ടില്ലെന്നു കണ്ടെത്തിയത് ലോകാരോഗ്യ സംഘടന നിയോഗിച്ച ഓസ്ട്രേലിയന്‍ റേഡിയേഷന്‍ പ്രൊട്ടക്ഷന്‍ ആന്‍ഡ് ന്യൂക്ളിയര്‍ സേഫ്റ്റി ഏജന്‍സിയുടെ നേതൃത്വത്തില്‍ നടന്ന റിവ്യൂ പരിശോധനയിലാണ്.

1994 മുതല്‍ 2022 വരെയുള്ള കാലഘട്ടത്തില്‍ നടത്തിയ 63 പഠനങ്ങള്‍ പത്തു രാജ്യങ്ങളില്‍ നിന്നുള്ള പതിനൊന്നംഗ സംഘം വിലയിരുത്തിയാണ് ഈ റിപ്പോര്‍ട്ട് തയാറാക്കിയത്. ഇന്നു വരെയുള്ള ഏറ്റവും സമഗ്രമായ അവലോകനമാണ് ഇതെന്ന് റിവ്യൂ ലീഡ് എഴുത്തുകാരനായ അസോസിയേറ്റ് പ്രൊഫ. കെന്‍ കരിപിഡിസ് പറഞ്ഞു.

കേന്ദ്ര നാഡീ വ്യൂഹത്തിന്‍റെ(മസ്തിഷ്കം, പിറ്റ്യൂട്ടറി ഗ്രന്ഥി, ചെവി എന്നിവയുള്‍പ്പടെ) ഉമിനീര്‍ ഗ്രന്ഥിയില്‍ ഉണ്ടാകുന്ന മുഴകള്‍, ബ്രെയിന്‍ ട്യൂമര്‍ എന്നിവയെ കേന്ദ്രീകരിച്ചാണ് അവലോകനം നടത്തിയത്.

അവലോകനത്തില്‍ ഒരു തരത്തിലുമുള്ള മൊബൈല്‍ ഫോണ്‍ ഉപയോഗവും ക്യാന്‍സറും തമ്മില്‍ ബന്ധമില്ലെന്നാണ് വിലയിരുത്തല്‍. റേഡിയേഷന്‍ എന്നാല്‍ ന്യൂക്ളിയര്‍ റേഡിയേഷനു സമാനം എന്നാണ് ജനങ്ങളുടെ ചിന്ത. അതു കൊണ്ടു തന്നെ മൊബൈല്‍ ഫോണുപയോഗിക്കുമ്പോഴും ജനങ്ങള്‍ക്കിടയില്‍ ഈ ആശങ്ക ഉണ്ടാകുന്നു.

ലോകാരോഗ്യ സംഘടനയും മറ്റ് അന്താരാഷ്ട്ര ആരോഗ്യസ്ഥാപനങ്ങളും മുമ്പ് മൊബൈല്‍ ഫോണുകള്‍ ഉപയോഗിക്കുന്ന റേഡിയേഷനില്‍ നിന്നുള്ള ആരോഗ്യ പ്രത്യാഘാതങ്ങള്‍ക്ക് കൃത്യമായ തെളിവുകളൊന്നും ഇല്ലെന്ന് പറഞ്ഞിരുന്നു.

എങ്കിലും മുന്‍ കാലങ്ങളിലെ ചില പഠനങ്ങളുടെ അടിസ്ഥാനത്തില്‍ ഇന്‍റര്‍നാഷണല്‍ ഏജന്‍സി ഫൊര്‍ റിസര്‍ച്ച് ഓണ്‍ ക്യാന്‍സര്‍(ഐഎആര്‍സി) 2011ല്‍ മൊബൈല്‍ ഫോണുകള്‍ പോലെയുള്ളവയില്‍ നിന്നുള്ള റേഡിയോ ഫ്രീക്വന്‍സി ഫീല്‍ഡുകളെ ക്യാന്‍സറിനു സാധ്യതയുള്ളവ എന്ന പട്ടികയിലാണ് ഉള്‍പ്പെടുത്തിയിരുന്നത്. ഒരു പഠനങ്ങളും പൂര്‍ണമല്ലെങ്കിലും തെളിവുകളുടെ അടിസ്ഥാനത്തില്‍ ക്യാന്‍സര്‍ സാധ്യതയെ കുറിച്ചുള്ള ആശങ്കകളുടെ കാര്യത്തില്‍ മൊബൈല്‍ ഫോണുകള്‍ സുരക്ഷിതമായി കണക്കാക്കണമെന്നും ഗവേഷകര്‍ പറയുന്നു.

- dated 07 Apr 2025

Comments:

Keywords: Europe - Otta Nottathil - mobile_phone_cancer_chance_who Europe - Otta Nottathil - mobile_phone_cancer_chance_who,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles:

കേംബ്രിഡ്ജ് മേയര്‍ സോളിസിറ്റര്‍ ബൈജു തിട്ടാലയ്ക്ക് ഇറ്റലി ഓണററി പൗരത്വം നല്‍കി Recent or Hot News